Arabia Saudite ka njoftuar se sistemet e saj të mbrojtjes ajrore kanë rrëzuar dy raketa dhe tre dronë që po drejtoheshin drejt kryeqytetit, Riad.
Sipas raportimit të agjencisë së lajmeve Reuters, autoritetet saudite kanë bërë të ditur se sulmi është parandaluar nga sistemet e mbrojtjes ajrore, ndërsa nuk janë dhënë detaje të plota lidhur me dëmet e mundshme apo personat e lënduar.
Incidenti vjen në një periudhë tensionesh të larta në rajonin e Lindjes së Mesme, ku sulmet me raketa dhe dronë kanë shtuar shqetësimet për përshkallëzim të mëtejshëm të situatës së sigurisë.
Autoritetet saudite nuk kanë dhënë ende informacione të hollësishme për origjinën e raketave dhe dronëve.
Burimi: indeksonline.net ↗