KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Abdixhiku në Bruksel, takon bashkatdhetarët e bashkëveprimtarët e LDK-së

Abdixhiku në Bruksel, takon bashkatdhetarët e bashkëveprimtarët e LDK-së

Kryetari i Lidhjes Demokratike të Kosovës, Lumir Abdixhiku, ka qëndruar sonte në Bruksel, ku është takuar me bashkatdhetarë dhe bashkëveprimtarë të LDK-së.

Në një postim në Facebook, Abdixhiku ka shprehur mirënjohje për pritjen dhe bisedat që pati me ta, duke thënë se në mesin e tyre u ndje si në shtëpi, transmeton IndeksOnline.

Ai ka vlerësuar kontributin e mërgatës në historinë e Kosovës, duke theksuar se një pjesë e historisë së vendit është shkruar pikërisht nga njerëzit që jetuan larg Kosovës, por që u angazhuan për fatin e atdheut.

Abdixhiku ka falënderuar degën e LDK-së në Beneluks për organizimin e Darkës së Lamës, ku bashkatdhetarët u mblodhën rreth sofrës, në një traditë që, sipas tij, përçon kulturën shqiptare edhe përtej kufijve të Kosovës.

“E çmoj besimin tuaj dhe e di mirë çfarë përgjegjësie më ngarkon”, ka shkruar Abdixhiku, duke iu drejtuar bashkatdhetarëve të pranishëm.

Ai ka vlerësuar se tradita e shtrimit të sofrës për të tjerët është ndër zakonet më të bukura të popullit shqiptar, ndërsa organizime të tilla në mërgatë bëjnë që kultura shqiptare të bëhet pjesë e jetës edhe në qytetet ku bashkatdhetarët jetojnë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.