Marina suedeze njoftoi se dje një personel i armatosur me uniforma është parë në anije të lidhura me të ashtuquajturën “flotë në hije” ruse.
Moska po forcon praninë e saj ushtarake përgjatë rrugëve kryesore detare në Detin Baltik, raporton themoscowtimes.
Marko Petkoviq, si komandant i operacioneve të marinës suedeze, i tha televizionit suedez SVT se personat ka të ngjarë të jenë të punësuar në kompani private të sigurisë.
Ai shtoi se aktiviteti detar rus në rajon është bërë “më i përhershëm dhe më i dukshëm”, me anije luftarake që veprojnë rregullisht në zona strategjike të Detit Baltik dhe Gjirit të Finlandës.
“Marina ruse është periodikisht e pranishme në nyje të ndryshme në Detin Baltik, në Gjirin e Finlandës dhe në Detin Baltik, dhe duket se atje në njëfarë mënyre vepron si mbështetje për këtë flotë të fshehtë”, tha Petkoviq.
Burime ushtarake të cituara nga SVT thanë se veprimet ruse janë përqendruar në një operacion të vazhdueshëm patrullimi pranë rrugëve kryesore detare, të kryer nga Flota Baltike. /Telegrafi/
