KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Bota

Trump: Anijet po lëvizin në Ngushticën e Hormuzit

Trump: Anijet po lëvizin në Ngushticën e Hormuzit

Donald Trump ka deklaruar se “anijet po fillojnë të lëvizin” duke u larguar nga Ngushtica e Hormuzit, rrugë kyçe detare që sipas tij Irani e kishte bllokuar efektivisht që nga fillimi i luftës.

Presidenti amerikan tha se shumë nga anijet “ishin të ngarkuara me naftë” ndërsa po lëviznin, duke pretenduar se korridori i quajtur “Autostrada Jugore” ishte “plotësisht i sigurt, i mbrojtur dhe i pastër”.

“Anijet po fillojnë të lëvizin, shumë prej tyre të ngarkuara me naftë, duke dalë nga Ngushtica e Hormuzit. Ato po kalojnë përmes ‘Autostradës Jugore’, e cila është plotësisht e sigurt, e mbrojtur dhe e pastër. Ka edhe zona të tjera lëvizjeje, gjithashtu!!!”, tha Trump.

Lideri amerikan kishte deklaruar një ditë më parë se anijet duhet të “ndiznin motorët” dhe “ta linin naftën të rrjedhë”, duke njoftuar hapjen e sërishme të Ngushticës së Hormuzit.

Megjithatë, pak më vonë ai u tërhoq nga deklaratat, duke thënë se rruga kryesore detare do të hapej të premten, kur pritet të nënshkruhet marrëveshja.

Ai gjithashtu urdhëroi që të hiqej bllokada amerikane ndaj porteve iraniane në atë kohë.

Sipas tij, ngushtica do të jetë “përherë pa tarifa kalimi”, i tha ai New York Times një ditë më parë.

Në periudhat para luftës, mesatarisht mbi 100 anije në ditë kalonin përmes këtij nyje strategjike për tregjet globale të naftës dhe gazit. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.