Eva Longoria ka rrëmbyer vëmendjen në mbrëmjen e homazhit të AFI për Eddie Murphy, të mbajtur në Los Angeles, ku u shfaq me një paraqitje elegante dhe mjaft të guximshme.
51-vjeçarja, e njohur nga Desperate Housewives, doli pa reçipeta me një fustan të zi prej kadifeje dhe shifoni nga Cong Tri, i cili theksonte siluetën e saj.
Ajo e kompletoi pamjen me një dorezë transparente me detaje lulesh, duke sjellë një stil të veçantë në tapetin e kuq, shkruan DailyMail.
Brenda eventit, Longoria u fotografua me figura të njohura si Arsenio Hall dhe drejtues të Netflix-it, Ted Sarandos, si dhe me producentët Cris Abrego dhe Byron Allen.
Në mbrëmje ishin të pranishëm edhe emra si Bill Burr, Kevin Hart, Da’Vine Joy Randolph dhe Kenan Thompson.
Homazhi për Eddie Murphy do të transmetohet si speciale në Netflix më 31 maj. Aktori legjendar u nderua për karrierën e tij që nga “Saturday Night Live” deri te filmat ikonikë si “Beverly Hills Cop”, “Coming to America”, “The Nutty Professor” dhe “Shrek”.
Gjatë eventit, figura të ndryshme të komedisë theksuan ndikimin e tij ndër vite. Chris Rock u shpreh: “Nuk ka ne pa ty”, ndërsa të tjerë vlerësuan rolin e Murphy-t në zhvillimin e kulturës dhe komedisë.
Eddie Murphy u përshkrua si një figurë që ka lënë gjurmë të forta në stand-up, televizion dhe kinematografi, duke mbetur një nga emrat më me ndikim në industri. /Telegrafi/
