KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Kulture

“LORD OF THE RINGS“ maratona vjen në CineStar Megaplex

“LORD OF THE RINGS“ maratona vjen në CineStar Megaplex

Një nga trilogjitë më të dashura filmike të të gjitha kohërave rikthehet në ekranin e madh në një edicion të veçantë, me rastin e 25-vjetorit të filmit “The Lord of the Rings: The Fellowship of the Ring”, duke premtuar të entuziazmojë të gjithë adhuruesit e zhanrit fantasy.

Kinematë CineStar sjellin një përvojë ekskluzive filmike – “The Lord of the Rings” në versionin origjinal të zgjeruar (Extended Edition), me skena shtesë dhe më shumë detaje nga bota e pasur e J. R. R. Tolkien.

Adhuruesit e kësaj trilogjie fantastike kanë dy mundësi: të shikojnë të tre filmat brenda një dite, në një maratonë të vërtetë filmash me 21 Mars, me pauza prej 20 minutash mes projeksioneve, ose ta ndajnë udhëtimin e tyre në Tokën e Mesme përgjatë disa ditëve, nga 19 deri me 25 Mars.

Tre filmat legjendarë “The Lord of the Rings: The Fellowship of the Ring”, “The Lord of the Rings: The Two Towers” dhe “The Lord of the Rings: The Return of the King” do të shfaqen në versionin origjinal, pa titra.

Edicioni i veçantë i këtij eventi kinematografik do të mbahet të shtunën, me 21 Mars, kur CineStar organizon LOTR Maratonën në CineStar, Prishtina Mall, duke filluar nga ora 13:00, ndërsa për më fatlumët janë përgatitur edhe surpriza speciale.

Le ta përmbledhim: Nga Shire dhe Rivendell në Mordor – publiku do të rijetojë të gjithë udhëtimin që ka shënuar breza të tërë shikuesish. Trilogjia e regjisorit Peter Jackson fitoi gjithsej 17 çmime Oscar, dhe pjesa e fundit, The Return of the King, fitoi të 11 nominimet – duke barazuar rekordin në histori.

Ekrani i madh, fama e tyre legjendare, mijëra fansa dhe versioni i zgjeruar i trilogjisë e bëjnë këtë shfaqje një përvojë të veçantë si për fansat besnikë prej vitesh, ashtu edhe për një brez të ri shikuesish që duan ta përjetojnë Middle-earth ashtu siç është menduar në kinema.

Biletat janë tashmë në shitje në cinestarcinemas-ks.eu dhe interesi pritet të jetë shumë i madh!

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.