KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Shia LaBeouf mohon problemet me alkoolin pas arrestimit në New Orleans

Shia LaBeouf mohon problemet me alkoolin pas arrestimit në New Orleans

Aktori amerikan, Shia LaBeouf, ka folur pas arrestimit të tij për dy akuza sulmi, duke dhënë versionin e ngjarjeve dhe duke hedhur poshtë pretendimet se ka problem me alkoolin.

Në një intervistë për Channel 5, të drejtuar nga Andrew Callaghan, LaBeouf foli për sjelljen e tij dhe për urdhrin e gjykatës që e detyron të kthehet në rehabilitim.

“Duhet të merrem me këtë. A do të thotë kjo se duhet të shkoj sërish në rehabilitim? Thjesht nuk jam gati për këtë. Nuk mendoj se përgjigjet e mia janë aty. Nuk mendoj, sinqerisht nuk mendoj kështu. Nëse do ta besoja vërtet, do të shkoja. Nuk mendoj se kam problem me alkoolin”, tha ai.

Shia LaBeouf

Një gjykatës në New Orleans e urdhëroi të kthehet në rehabilitim të enjten, por aktori beson se shkaku i sjelljes së tij është i një natyre tjetër.

“Mendoj se kam një problem tjetër dhe do të merrem me të. Mendoj se kam një kompleks të njeriut të vogël. Besoj se lidhet më shumë me zemërimin dhe egon se sa me pirjen, por ja ku jam në rrugën time tani dhe po përpiqem ta kuptoj. Do ta kuptoj”, vazhdoi ai.

Duke folur për incidentin që çoi në arrestim, LaBeouf tha se përplasja ndodhi kur tre burra filluan t’i preknin këmbën.

Kur Callaghan e pyeti nëse kjo i kishte ndodhur shpesh, ai u përgjigj se një situatë e tillë i kishte ndodhur edhe më parë.

Sipas një deklarate nga Departamenti i Policisë së New Orleans, LaBeouf dyshohet se shkaktoi një trazirë dhe u bë gjithnjë e më agresiv në një biznes në Royal Street natën e arrestimit të tij. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.