KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

ASK zbulon numrin e përfituesve të skemave sociale, ja sa veteranë marrin pension

ASK zbulon numrin e përfituesve të skemave sociale, ja sa veteranë marrin pension

Agjencia e Statistikave të Kosovës (ASK) ka publikuar të dhënat për skemat e Mirëqenies Sociale për muajin tetor 2026, duke paraqitur numrin e qytetarëve që kanë përfituar nga mbështetja financiare e shtetit.

Sipas statistikave të ASK-së, pjesa më e madhe e përfituesve janë të përfshirë në skemat pensionale, ndërsa mbështetja sociale vazhdon të përfshijë edhe familjet në kushte të vështira ekonomike dhe kategoritë e dala nga lufta, transmeton lajmi.net.

Në mesin e skemave të përfshira janë pensionet e moshës, pensionet familjare, ato për personat paraplegjikë dhe tetraplegjikë, pensionet për familjet e dëshmorëve dhe invalidët e luftës, si dhe pensionet për pjesëtarët e Forcës së Sigurisë së Kosovës dhe punëtorët e Trepçës.

Statistikat përfshijnë gjithashtu veteranët e luftës, shtesat për fëmijë dhe përkrahjen financiare për lehonat.

Nga të dhënat e publikuara vërehet se pensionet bazike të moshës përbëjnë kategorinë me numrin më të madh të përfituesve. Në këtë skemë, gjatë tetorit janë regjistruar gjithsej 174 mijë e 399 përfitues.

Ndërkaq, në skemën e veteranëve të luftës janë evidentuar 39 mijë e 777 përfitues.

Në anën tjetër, numri më i ulët i përfituesve figuron në skemën e mbështetjes financiare për lehonat e papunësuara, ku janë regjistruar 7 mijë e 53 përfituese.

ASK ka publikuar edhe të dhënat e detajuara për të gjitha kategoritë e përfshira në skemat e Mirëqenies Sociale për muajin tetor 2026.

Të dhënat e publikuara nga ASK:

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.