KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Vikendi i “Dardanëve”: Yjet e Kosovës shkëlqyen me paraqitje për ekipet e tyre

Vikendi i “Dardanëve”: Yjet e Kosovës shkëlqyen me paraqitje për ekipet e tyre

Yjet e Kombëtares së Kosovës kanë shkëlqyer në vikendin e kaluar me paraqitje fantastike për ekipet e tyre.

Shumica e tyre kaluan në formë mahnitëse, për të qenë protagonistë në fitoret e skuadrave të tyre.

E nisim me Serie A. Mërgim Vojvoda ishte mahnitës për Comon në fitoren historike ndaj Juventusit. Mbrojtësi jo vetëm që shënoi por edhe u shpall “Lojtari i ndeshjes” nga Serie A.

Kyç në fitore ishte edhe mesfushori Elvis Rexhbeçaj te Augsburgu, në përballjen ndaj ish klubit Wolfsburg. Ani pse hyri si zëvendësues, shënoi në minutën e fundit të ndeshjes për ta përmbysur rezultatin nga 0-2 në 3-2.

Formën fantastike e vazhdoi edhe mbrojtësi Florent Hadërgjonaj që shënoi një supergol vollej për Alaynsporin.

Edhe sulmuesi Meriton Korenica zhvilloi paraqitje solide për Alaynsporin, ku shënoi në humbjen ndaj Basaksehir.

Tjetër futbollist që po kalon një formë të mirë prej kur u bë më ekip të ri është Emir Sahiti. Ai ka shënuar dhe asistuar në fitoren e Maccabi Tel Aviv ndaj SC Ashdod.

Përpos golave, lojtarët e Kosovës dhuruan edhe asistime. Bëhet fjalë për mbrojtësin Albian Hajdari që asistoi në barazimin 2-2 të Hoffenheimit ndaj Koln.

Ndërkohë, Florent Muslija dhuroi asistim në humbjen e Dusseldorf ndaj Darmstadt.

Paraqitje fantastike dhuroi edhe portieri Arijanet Muric, i cili mbajti portën e paprekur për Sassuolon ndaj Hellas Veronas.

Përpos tyre, edhe futbollisti që dëshiron të luajë për Kosovën Lindrit Kamberi asistoi në fitoren e Zurichut./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.