Paga mesatare mujore neto e paguar për punonjës në dhjetor 2025 arriti në 46.889 denarë dhe është 7.6% më e lartë se në dhjetor 2024, njoftoi Enti Shtetëror i Statistikës.
Kjo rritje është kryesisht për shkak të rritjes së pagës mesatare mujore neto të paguar për punonjës në sektorët: Transport dhe magazinim me 13.4%, Bujqësi, pylltari dhe peshkim me 10.9% dhe Tregti me shumicë dhe pakicë; Riparim i automjeteve dhe motoçikletave dhe Arsim me 9.7%.
Një rritje e pagës mesatare mujore neto të paguar për punonjës, krahasuar me muajin e kaluar, është regjistruar në sektorët: Transport dhe magazinim me 12.8%, Miniera dhe gurore me 9.0% dhe Ndërtim me 7.0%.
Paga mesatare mujore bruto e paguar në dhjetor 2025 ishte 70.520 denarë./Telegrafi/
Burimi: telegrafi.com ↗