KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Laporta i jep një goditje të re Perezit: Barcelona zyrtarisht largohet nga Superliga Evropiane

Laporta i jep një goditje të re Perezit: Barcelona zyrtarisht largohet nga Superliga Evropiane

Kampioni aktual i Spanjës, skuadra e Barcelonës ka njoftuar sot (e shtunë) zyrtarisht tërheqjen nga projekti kontrovers i Superligës Evropiane.

Siç dihet, Barcelona, së bashku me Real Madridin dhe Juventusin, ishte një nga themelueset e kësaj gare, e cila nuk u realizua kurrë.

Katalunasit i dhanë kështu fund pjesëmarrjes së tyre në një nga idetë më të diskutueshme në futbollin modern evropian.

“FC Barcelona informon publikun se sot ka informuar zyrtarisht Kompaninë e Superligës Evropiane dhe klubet që ishin pjesë e atij projekti, për tërheqjen e saj nga projekti i Superligës Evropiane”, thuhet në njoftim.

Ndryshe, shumë besojnë se kjo është një goditje e re nga presidenti i Barcelonës, Joan Laporta, ndaj Florentino Perez të Real Madridit, të cilët kanë qenë në një “pozicion lufte” për disa sezone tani.

Siç dihet mirë, Laporta dhe Perez kanë qenë aleatë prej vitesh, të bashkuar kundër presidentit të UEFA-s, Aleksander Ceferin dhe atij të La Liga-s, Javier Tebas, në betejën për Superligën Evropiane.

Nga ana tjetër, Reali e akuzon fuqishëm Barcelonën për “skandalin më të madh në historinë e futbollit”, dhe po i referohet çështjes Negreira. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.