Asnjë qytetar i Maqedonisë së Veriut në territorin e Iranit deri më tani nuk ka kërkuar ndihmë nga Ministria e Punëve të Jashtme dhe Tregtisë së Jashtme (MPJdheTJ), ndërsa shefi i diplomacisë, Timço Mucunski. shfaq bindje se të gjitha resurset janë gati nëse ka nevojë për evakuim edhe përkundër asaj që nuk kemi përfaqësi rezidente diplomatiko-konsullare në atë shtet.
“Për momentin nga ne nuk është kërkuar ndihmë nga një qytetar i Maqedonisë së Veriut në territorin e Iranit”, deklaroi sot ministri i Punëve të Jashtme dhe Tregtisë së Jashtme, Timço Mucunski.
Ai përkujtoi se MPJdheTJ para disa ditëve e kumtoi thirrjen me të cilën i informoi qytetarët se nuk duhet të udhëtojnë në Iran për shkak të gjendjes së përkeqësuar të sigurisë.
“Atje me të vërtetë ka tendencë të përkeqësimit të gjendjes së sigurisë dhe kumtuam disa kontakt-telefona nga MPJ dhe nga nga Ambasada jonë në Ankara, Republika e Turqisë, të cilët mund të ndihmojnë të mobilizohet shteti nëse ekziston nevoja për evakuim të qytetarëve tanë. Me Iranin bashkëpunimi bilateral nuk është në nivelin më të lartë. këtë e dini, nuk kemi përfaqësi rezidente diplomatiko-konsullare në atë shtet, por të gjitha resurset tona janë gati për t’i vënë në disponim nëse ka nevojë për evakuim të qytetarëve tanë”, tha Mucunski në pyetjen e gazetarëve gjatë vizitës në Odën ekonomike për teknologji informatike dhe komunikuese -MASIT.
Për shkak të gjendjes së përkeqësuar të sigurisë në Republikën islamike të Iranit, MPJdheTJ pardje u bëri thirrje qytetarëve të Maqedonisë së Veriut, të cilët ndodhen në territorin e këtij shteti, ta braktisin vendin në kushtet e para të mundshme dhe të sigurta. Njëkohësisht, bëri thirrje edhe të shtyhen të gjitha udhëtimet në Iran, të cilat nuk janë të domosdoshme.
Siç informuan nga Ministria, tashmë janë vënë në dispozicion disa kapacitete për asistencë të shtetasve të RMV-së përmes SOS telefonit kujdestar 24-orësh +389 75 268 736, adresës elektronike globalsos@mfa.gov.mk, si dhe përmes telefonit kujdestar të përfaqësisë diplomatiko-konsullare të RMV-së në Ankara: +90 539 456 97 10.