Sektori i Hetimeve të Kryeqytetit, pas një pune intensive hetimore, ka arritur të identifikojë dhe arrestojë një person të dyshuar për vjedhje të pajisjeve elektronike.
Sipas një njoftimi për media bëhet e ditur se rasti kishte ndodhur më 09.01.2026, ndërsa si rezultat i veprimeve policore është identifikuar dhe arrestuar i dyshuari: – E.S., mashkull, 34 vjeç, shtetas i Republikës së Kosovës.
“Po ashtu, njësitet policore kanë arritur të lokalizojnë dhe sekuestrojnë sendet e vjedhura, të cilat pas procedurave të nevojshme i janë kthyer pronarit të ligjshëm”, thuhet në njoftim.
Tutje në njoftim bëhet e ditur se i dyshuari, në koordinim me Prokurorin e Shtetit, është intervistuar dhe me vendim të prokurorit është dërguar në mbajtje për 48 orë. /Telegrafi/