KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Toni Kroos: Barcelona nuk do ta fitojë Ligën e Kampionëve

Toni Kroos: Barcelona nuk do ta fitojë Ligën e Kampionëve

Barcelona po vazhdon të shijojë valën e suksesit nga triumfi në Superkupën e Spanjës në fundjavë, ku mposhtën Real Madridin me rezultat 3-2 në Arabinë Saudite.

Katalanasit janë në rrugë të mbarë për një tjetër sezon pozitiv dhe, me vetëbesimin në nivele të larta, kanë shumë mundësi për të fituar trofe në La Liga, Kupën e Mbretit dhe Ligën e Kampionëve.

Kjo e fundit është më e dëshiruara për Barcelonën, duke qenë se hera e fundit që e fituan Ligën e Kampionëve ishte 11 vite më parë.

Ata konsiderohen ndër favoritët, pavarësisht një faze të ligës deri tani jo bindëse, por jo të gjithë po i mbështesin.

Sipas Sport, ish-mesfushori i Real Madridit, Toni Kroos, i hodhi poshtë shanset e Barcelonës për të fituar Ligën e Kampionëve këtë sezon, duke folur në podcastin e tij “Einfach mal Luppen”.

“Barça janë ende shumë të lumtur me Superkupën e Spanjës, por tani po vjen Liga e Kampionëve për Barcelonën, ku do të përballen me kundërshtarë të nivelit të lartë”.

“Ata nuk do të fitojnë asnjë titull kontinental, të paktën kështu mendoj unë”, ka thënë Kroos.

Barcelona sigurisht që do të synojë ta fitojë Ligën e Kampionëve këtë sezon, por para së gjithash objektivi është të përfundojnë mes tetë skuadrave më të mira të fazës së ligës.

Aktualisht ata janë dy pikë larg këtyre pozicioneve, por me dy ndeshje ndaj Slavia Pragës (jashtë) dhe Copenhagenit (në shtëpi) përpara, do të kenë besim në shanset e tyre./Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.