KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Pa fitues në dramën e tetë golave mes Atalantas dhe Interit

Pa fitues në dramën e tetë golave mes Atalantas dhe Interit

Supersfida mes Atalantas dhe Interit ka përfunduar në “paqe”, me dy skuadrat italiane që kanë arkëtuar nga një pikë.

Përballja ishte e çmendur nga minuta e parë, ku Atalanta arriti të kthehet dy herë nga disavantazhi i dy golave, me epilogun përfundimtar që rezultoi të jetë 4-4.

Francesco Pio Esposito kaloi Interin në epërsi me një goditje të bukur për të zhbllokuar epërsinë (16’).

I njëjti pastaj shënoi me kokë pas harkimit të Dimarcos për ta dyfishuar epërsinë (33’).

Atalanta arriti të kthehet në lojë falë Eljif Elmas që shënoi pas një topi të kthyer dy minuta më vonë (35’).

Interi sërish ishte më i mirë për të dyfishuar prapë avantazhin falë Esposito, i cili faktikisht kompletoi het-trikun (52’).

Atalanta sërish arriti të kthehet në lojë përmes Charles De Ketelaere që realizoi me kokë (72’).

Mirëpo, pesë minuta më vonë kroati Petar Sucic me supergol dërgoi rezultatin në 2-4 (77’).

Megjithatë, Atalanta sërish s’u dorëzua. De Ketaelere shënoi me kokë për ta ngushtuar prapë rezultatin (80’). Kurse, heroi ishte Franck Kessie që realizoi në kohën shtesë nga pika e bardhë (90+1’).

Interi me këtë barazim zë pozitën e tretë me 29 pikë ndërsa Atalanta zë në pozitën e 12-të me 15 sosh./Telegrafi/

Standings provided by Sofascore
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.