KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Forca e Sigurisë së Kosovës realizon qitje me mortaja në Biza të Shqipërisë

Forca e Sigurisë së Kosovës realizon qitje me mortaja në Biza të Shqipërisë

Në kuadër të avancimit të kapaciteteve operacionale të Mbështetjes Luftarake të Komandës së Forcave Tokësore (KFT), bateritë e Regjimentit të Mbështetjes Luftarake të FSK-së kanë realizuar aktivitetin e qitjes me municion luftarak me mortajën 120 mm të sistemit Vuran në poligonin e qitjes në Bizë të Shqipërisë.

Gjatë aktivitetit u dëshmua profesionalizmi i pjesëtarëve të RML-së në zbatimin e procedurave të sigurisë dhe përdorimin e mortajës 120 mm të sistemit Vuran.

Me këtë rast, gjeneral brigade Mehmet Lladrovci falënderoi përfaqësuesin e Forcave të Armatosura të Republikës së Shqipërisë për mbështetjen e vazhdueshme, si dhe pjesëtarët e RML-së për angazhimin dhe përkushtimin në zhvillimin e kapaciteteve operacionale të njësisë.

Forca e Sigurisë së Kosovës (FSK) është forca ushtarake e Kosovës. E themeluar fillimisht në vitin 2009, ajo nisi transformimin e saj ligjor në një forcë të armatosur të plotë më 14 dhjetor 2018. Ajo ka rreth 5 000 pjesëtarë aktivë dhe 3 000 rezervistë, por nuk ka shërbim të detyrueshëm ushtarak.

Në kuadër të buxhetit për vitin 2027, Qeveria e Kosovës për Ministrinë e Mbrojtjes ka paraparë të ndahen 224 168 000 euro ose 1,60% e PBB-së, pas rritjeve buxhetore shumëvjeçare dhe nismave për prodhimin vendas të pajisjeve të mbrojtjes.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.