KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Kulture

Teatri i Fëmijëve dhe të Rinjve në Ferizaj nis punën me sukses të jashtëzakonshëm

Teatri i Fëmijëve dhe të Rinjve në Ferizaj nis punën me sukses të jashtëzakonshëm

Nisma më e re kulturore në Ferizaj, Teatri për Fëmijë dhe të Rinj në kuadër të Teatrit “Adriana”, ka shënuar një fillim mbresëlënës, duke zgjuar interesim të jashtëzakonshëm te fëmijët dhe prindërit ferizajas.

Që nga e shtuna e kaluar, kur ky sektor hapi siparin me shfaqjen me kukulla “Fjalët magjike”, prania e madhe e publikut ka dëshmuar se krijimi i hapësirave të veçanta artistike për brezat e rinj ka qenë një nevojë e kahershme e qytetit.

Përtej argëtimit, angazhimi i hershëm i fëmijëve me artin skenik luan një rol kyç në zhvillimin e tyre emocional, intelektual dhe krijues. Përmes teatrit, të vegjlit nxisin imagjinatën dhe kultivojnë dashurinë për kulturën që në moshë të hershme.

Drejtoria për Kulturë, Rini dhe Sport (DKRS) bën të ditur se ky është vetëm hapi i parë. Krahas mbështetjes së vazhdueshme për teatrin, planifikohen edhe një sërë projektesh të tjera kulturore e artistike, me synimin që arti të bëhet pjesë e pandashme e edukimit dhe përditshmërisë së fëmijëve dhe të rinjve, dhe jo thjesht një përvojë e rastësishme.

Ky entuziazëm i publikut shihet si një investim i sigurt në formimin e gjeneratave të reja të artdashësve dhe në gjallërimin afatgjatë të jetës kulturore në Ferizaj.

Teatri “Adriana” fton të gjithë prindërit dhe fëmijët që t’i bashkohen shfaqjeve të rregullta që mbahen çdo të shtunë, nga ora 12:00, në skenën e re pranë Galerisë së Arteve në Ferizaj.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.