KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Kelly Osbourne shijon një ditë sportive me djalin 4-vjeçar, Sidney, në ndeshjen Angli-Zelandë e Re

Kelly Osbourne shijon një ditë sportive me djalin 4-vjeçar, Sidney, në ndeshjen Angli-Zelandë e Re

Kelly Osbourne ka kaluar një ditë të veçantë me djalin e saj katërvjeçar, Sidney, duke ndjekur nga afër përballjen mes Anglisë dhe Zelandës së Re në Kampionatin e Kombeve 2026.

42-vjeçarja u shfaq elegante me një kostum gri dhe pallto të përshtatur, ndërsa djali i saj ishte veshur me fanellën e përfaqësueses së Anglisë.

Kelly nuk i rezistoi një fotografie me të voglin, duke ndarë momente nga kjo dalje pranë fushës së stadiumit Allianz, shkruan DailyMail.

Anglia triumfoi me rezultatin 37-12, në një ndeshje ku të pranishëm ishin edhe emra të njohur si James Norton dhe Emilia Clarke.

Kjo nuk është hera e parë që Kelly e merr të birin në aktivitete sportive. Në fillim të muajit, ajo e kishte çuar Sidney-n në një ndeshje të Aston Villa Women, skuadrës së zemrës së babait të saj të ndjerë, Ozzy Osbourne.

Madje, vogëlushi kishte marrë pjesë si maskota e skuadrës, i veshur me një fanellë të personalizuar ku shkruhej emri i tij.

Ozzy, i cili ndërroi jetë në korrik 2025, ishte një tifoz i zjarrtë i Aston Villa dhe kishte ruajtur një lidhje të veçantë me klubin gjatë gjithë jetës.

Pas ndarjes nga ish-partneri Sid Wilson në mars, Kelly është zhvendosur nga Los Angeles në Buckinghamshire të Britanisë së Madhe, së bashku me djalin e saj, për të qenë më pranë familjes dhe për të nisur një jetë më të qetë. /Telegrafi/


Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.