KORREKT / SOT22 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Sot shënohet Dita e Alfabetit Shqip, 118 vjet nga Kongresi i Manastirit

Sot shënohet Dita e Alfabetit Shqip, 118 vjet nga Kongresi i Manastirit

Shqiptarët sot shënojnë Ditën e Alfabetit, në kujtim të Kongresit të Manastirit, ku 118 vjet më parë u mor vendimi historik për unifikimin e alfabetit të gjuhës shqipe.

Kongresi i Manastirit u mbajt nga 14 deri më 22 nëntor të vitit 1908, me pjesëmarrjen e 50 delegatëve nga 26 qytete, klube dhe shoqata shqiptare. Në këtë ngjarje me rëndësi të veçantë kombëtare u vendos që alfabeti shqip të bazohej në atë latin, me përshtatjet e nevojshme për tingujt e gjuhës shqipe.

Në Kongres morën pjesë intelektualë shqiptarë nga të gjitha trevat, ndërsa kryetar u zgjodh Mithat Frashëri. Nënkryetarë ishin Luigj Gurakuqi dhe Gjergj Qiriazi, kurse Parashqevi Qiriazi ishte e vetmja grua pjesëmarrëse në këtë ngjarje historike.

Kongresi i Manastirit konsiderohet një nga ngjarjet më të rëndësishme në historinë kombëtare shqiptare, pasi unifikimi i alfabetit krijoi një bazë të përbashkët për zhvillimin e arsimit, kulturës dhe identitetit kombëtar.

Kjo ngjarje i parapriu edhe zhvillimeve të rëndësishme historike që kulmuan me shpalljen e Pavarësisë së Shqipërisë, më 28 nëntor 1912.

Për shqiptarët në Maqedoninë e Veriut, 22 nëntori është ditë feste zyrtare dhe ditë jopune. Ndërkaq, në Manastir vazhdon të funksionojë Muzeu i Alfabetit të Gjuhës Shqipe, ku ruhen rreth 56 fotografi të pjesëmarrësve të Kongresit dhe 230 dokumente në formë digjitale dhe fizike.

Kjo ditë synohet të shndërrohet në një festë tradicionale, e cila çdo vit të marrë jehonë më të madhe në të gjitha trevat shqiptare.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.