KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Roma shkatërron Parmën, Malen shkëlqen me katër gola

Roma shkatërron Parmën, Malen shkëlqen me katër gola

Roma ka shënuar një fitore bindëse në udhëtim ndaj Parmës, duke triumfuar me rezultat 5-1 në kuadër të kampionatit italian.

Skuadra e drejtuar nga Gian Piero Gasperini e nisi mirë takimin dhe kaloi në epërsi në minutën e 39-të. Donyell Malen realizoi një gol të bukur, duke përfituar nga një harkim në zonë për ta dërguar topin në rrjetë për 1-0.

Parma reagoi në pjesën e dytë dhe arriti të barazonte në minutën e 54-t. Nesta Elphege bëri një depërtim të mirë individual dhe me një goditje brenda zonës mposhti portierin Mile Svilar për 1-1.

Megjithatë, Roma nuk vonoi të rikthente epërsinë. Në minutën e 68-të, Malen përfitoi nga një top i kthyer brenda zonës dhe realizoi për 2-1, duke shënuar golin e tij të dytë në këtë përballje.

Vetëm tri minuta më vonë, Rodrigo Mora e thelloi epërsinë e mysafirëve në 3-1 duke reaguar më së miri pas një topi të kthyer në zonë.

Roma vazhdoi dominimin dhe në minutën e 77-të Malen kompletoi paraqitjen fantastike, duke shënuar golin e tretë personal dhe të katërtin për skuadrën e tij.

Në minutën e 90-të, sulmuesi holandez vulosi fitoren e thellë me golin e pestë të Romës, duke e mbyllur ndeshjen me një paraqitje të jashtëzakonshme (5-1).

Me këtë triumf, Roma shkon në kuotën e 30 pikëve dhe ngjitet përkohësisht në pozitën e dytë të tabelës, deri në kompletimin e kësaj xhiroje./Telegrafi/

Standings provided by Sofascore
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.