KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Dyshohet se sulmoi me mjet të fortë dhe kanosi një qytetar në Viti, arrestohet polici nga Kllokoti

Dyshohet se sulmoi me mjet të fortë dhe kanosi një qytetar në Viti, arrestohet polici nga Kllokoti

Hetuesit e Inspektoratit Policor të Kosovës kanë arrestuar sot një zyrtar policor me dyshimin se i njëjti ka kryer veprën penale të lëndimit të lehtë trupor dhe kanosjes.

Arrestimi i zyrtarit të Stacionit Policor Kllokot, Drejtoria Rajonale e Policisë Gjilan, është bërë në kuadër të autorizimeve ligjore të Inspektoratit Policor të Kosovës pas zhvillimit të veprimeve hetimore fillestare.

Incidenti në të cilin është përfshirë si i dyshuar zyrtari policor raportohet të ketë ndodhur sot në orët e paradites ne fshatin Podgorcë, Komuna e Vitisë.

Bazuar në veprimet hetimore dhe informacionet e grumbulluara deri në këtë fazë dyshohet se zyrtari policor e ka kanosur dhe e ka sulmuar një qytetar me mjet të fortë si rezultat i të cilit viktima ka pësuar lëndime të lehta trupore.

Me vendim të prokurorit të njëjtit i është caktuar masa e ndalimit për 48 orë kurse si pjesë e masave administrative dhe në interes të procedurës hetimore IPK ka rekomanduar Policisë së Kosovës suspendimin e tij.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.