KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Showbiz

Jennifer Lopez shfaqet me fustan të zi me dantella dhe feston me balerinin italian pas premierës së filmit

Jennifer Lopez shfaqet me fustan të zi me dantella dhe feston me balerinin italian pas premierës së filmit

Jennifer Lopez ka tërhequr vëmendjen me paraqitjen e saj në festën pas premierës së filmit koncertor “The JLo Show: Live in Las Vegas”, ku u shfaq krah balerinëve të saj.

57-vjeçarja kishte zgjedhur fillimisht një veshje për tapetin e kuq, por për festën pasuese ndërroi pamje, duke veshur një fustan të zi me dantella dhe dekolte të theksuar.

Gjatë mbrëmjes, këngëtarja u pa duke kërcyer dhe pozuar me balerinin italian Giuseppe Giofre, me të cilin ka një bashkëpunim të gjatë professional.

Ai është pjesë e trupës së saj të kërcimit që nga turneu “It’s My Party” në vitin 2019 dhe e ka shoqëruar edhe në rezidencën e saj në Las Vegas.

Ndërkohë, më herët gjatë ditës, Lopez kishte folur me humor për jetën e saj sentimentale dhe katër martesat e përfunduara me divorc.

Gjatë një bisede në emisionin e Drew Barrymore, kjo e fundit bëri shaka duke i thënë se historia e Jenniferit i jepte leje të divorcohej edhe një herë, pasi vetë ka kaluar tri divorce.

Jennifer tregoi se gjatë një takimi me publikun kishte ngritur katër gishta për të përfaqësuar martesat e saj, ndërsa dikush nga salla i ishte përgjigjur me humor se kishte ende gjashtë gishta të tjerë.

“Ja puna, nuk ka rregulla në këtë jetë, të gjithë bëjmë më të mirën që mundemi”, u shpreh këngëtarja, duke shtuar se përpiqet çdo ditë të jetë versioni më i mirë i vetes, si në jetën personale, ashtu edhe në atë profesionale.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.