KORREKT / SOT20 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Erërat e forta rrëzojnë shtyllat elektrike në Dardhishtë, zona mbetet pa energji

Erërat e forta rrëzojnë shtyllat elektrike në Dardhishtë, zona mbetet pa energji

Shoqata e Kosovës për Kërkim dhe Shpëtim ka njoftuar se si pasojë e erërave të forta janë rrëzuar disa shtylla elektrike të tensionit të lartë në rrugën e fshatit Dardhishtë, duke lënë të gjithë zonën pa energji elektrike.

Sipas njoftimit, anëtarët e kësaj shoqate, së bashku me disa banorë të zonës, janë angazhuar në vendosjen e sinjalistikës paralajmëruese dhe marrjen e masave mbrojtëse, me qëllim të parandalimit të incidenteve të mundshme.

Deri në arritjen e institucioneve përgjegjëse, pjesëtarët e shoqatës janë kujdesur për sigurinë e qytetarëve dhe të pjesëmarrësve në trafik.

Shoqata e Kosovës për Kërkim dhe Shpëtim u ka bërë thirrje qytetarëve që të tregojnë kujdes të shtuar gjatë orëve në vijim, veçanërisht në zonat ku po fryjnë erëra të forta.

Po ashtu, qytetarëve u është rekomanduar që të shmangin qarkullimin deri në orët e mëngjesit, për aq kohë sa kushtet atmosferike paraqesin rrezik për sigurinë e tyre. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.