Pavarësisht raportimeve të fundit për interesimin e gjigantëve evropianë, Chelseat dhe Barcelonës, nuk ka asnjë negociatë për transferimin e Alessandro Bastonit te ndonjëri prej këtyre klubeve.
Sipas gazetarit të njohur italian, Nicolo Schira, drejtuesit e Interit janë të vendosur ta mbajnë mbrojtësin italian në skuadër dhe janë të gatshëm të nisin bisedimet për vazhdimin e kontratës së tij, transmeton IndeksOnline.
Marrëveshja aktuale e Bastonit me klubin zikaltër skadon në vitin 2028, ndërsa edhe prioriteti i vetë futbollistit është që ta vazhdojë karrierën në “Giuseppe Meazza”.
Kësisoj, pavarësisht interesimit të raportuar nga klubet e mëdha evropiane, Interi synon ta sigurojë sa më parë të ardhmen e një prej lojtarëve kryesorë të skuadrës. /IndeksOnline/

