KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Rrahmani për deklaratat e Rashiqit: Kurti nuk e kundërshtoi, as nuk e shkarkoi (VIDEO)

Rrahmani për deklaratat e Rashiqit: Kurti nuk e kundërshtoi, as nuk e shkarkoi (VIDEO)

Deputeti i Partisë Demokratike të Kosovës, Eman Rrahmani, ka kritikuar qëndrimin e kryeministrit Albin Kurti lidhur me deklaratat e ministrit Nenad Rashiq për Asociacionin e komunave me shumicë serbe.

I ftuar në emisionin “DPT te Fidani”, Rrahmani ka thënë se për herë të parë një anëtar i koalicionit qeverisës kishte bërë fushatë në Kuvendin e Kosovës për votimin e një liste në Serbi, për të cilën pretendon se ka synime territoriale ndaj Kosovës.

“Për herë të parë, një anëtar i koalicionit të Albin Kurtit ka bërë fushatë në Kuvendin e Republikës së Kosovës për Listën Studentore Serbe. Ka hyrë në Kuvend me bluzë që bënte thirrje për votimin e kësaj liste, një listë që ka pretendime territoriale ndaj Republikës së Kosovës. Më pas vjen edhe kërkesa e Nenad Rashiqit për implementimin e Asociacionit, apo ‘Zajednicës’, siç e quanin këta”, ka deklaruar Rrahmani.

Duke komentuar qëndrimin e Kurtit ndaj deklaratave të Rashiqit, Rrahmani ka thënë se kryeministri nuk ka heshtur, por e ka shprehur gatishmërinë për zbatimin e Asociacionit edhe gjatë një takimi në Francë, njofton Klankosova.tv.

“Kurti nuk ka heshtur për këtë deklaratë. Në Francë ai është shprehur se është i gatshëm për implementimin e këtij Asociacioni”, ka thënë ai.

Ndërsa, i pyetur nëse deklaratat e Rashiqit janë të koordinuara me kryeministrin, Rrahmani ka theksuar se ministri nuk ka marrë ndonjë vërejtje nga Kurti dhe vazhdon të jetë pjesë e Qeverisë.

“Ministër e ka, as nuk i ka dhënë vërejtje, as nuk e ka shkarkuar. E ka dhënë të njëjtën deklaratë prej Francës”, ka përfunduar Rrahmani.

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.