Legjenda e Barcelonës, Carles Puyol, është rikthyer zyrtarisht në botën e futbollit, kësaj radhe në një rol drejtues. Ish-kapiteni i katalanasve i është bashkuar Inter Club d’Escaldes, skuadër nga Andorra.
Puyol do të marrë pozitën e Drejtorit të Marrëdhënieve dhe Futbollit Ndërkombëtar, me synimin për të ndihmuar klubin në zhvillimin institucional dhe zgjerimin e ndikimit të tij përtej kufijve të Andorrës. Ai do t’i bashkohet zyrtarisht strukturës së klubit nga e premtja, më 20 nëntor.
Emërimi i tij vjen në një moment historik për Inter d’Escaldes, që është bërë klubi i parë nga Andorra që ka arritur fazën e ligës në UEFA Conference League.
Ish-mbrojtësi 48-vjeçar ka një karrierë të jashtëzakonshme, me tri trofe të Ligës së Kampionëve dhe gjashtë tituj të La Ligës me Barcelonën, ndërsa me Spanjën u shpall kampion bote në vitin 2010 dhe kampion i Evropës në vitin 2008.
/GazetaBlic Sport/

