KORREKT / SOT19 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

“Vendin e ka mbuluar terri”, Tahiri kërkon nga Qeveria ndryshimin e strategjisë energjetike

“Vendin e ka mbuluar terri”, Tahiri kërkon nga Qeveria ndryshimin e strategjisë energjetike

Deputeti i Aleancës, Arben Tahiri, ka kritikuar mungesën e energjisë elektrike në Kosovë, duke thënë se ndërprerjet e rrymës për orë të tëra po ua vështirësojnë jetën qytetarëve, veçanërisht familjeve në vendbanimet rurale.

Në seancën e Kuvendit, Tahiri ka thënë se ndërprerjet e energjisë nuk po ndodhin vetëm në zonat rurale, por edhe në Prishtinë dhe qytete të tjera.

Ai ka theksuar se çmimi i energjisë elektrike po rëndon veçanërisht familjet me gjendje të vështirë ekonomike.

“Jemi duke e parë që Kosovën, pra vendin tonë të dashur e ka mbuluar terri. Mungesa e energjisë elektrike me orë të tëra, kryesisht në lokacione dhe vendbanime rurale, mirëpo mbrëmë edhe në kryeqytetin Prishtinë, edhe në qytete tjera, realisht është duke e vështirësu jetën e qytetarit të Kosovës në maksimum, duke i detyruar familjet e varfëra që realisht të hyjnë në borxhe për me mujt me e pagu çmimin e energjisë elektrike”, ka deklaruar ai.

Tahiri ka kërkuar nga kryeministri që urgjentisht të nominojë një ekip qeveritar për ndryshimin e Strategjisë së Energjisë 2022-2031 dhe të planit për investime në këtë sektor.

Sipas tij, strategjia duhet të përshtatet me zhvillimet globale dhe ndryshimet në tregun e energjisë.

“Ne e kuptojmë që politika programore e Lëvizjes Vetëvendosje ka qenë kryesisht në strategjinë e tyre e lidhur me llojllojshmërinë e burimeve energjetike, mirëpo kur e shohim dokumentin strategjik dhe programin qeveritar, strategjinë e vitit 2022-2031, mirëpo edhe programin e qeveritar të fundit, shohim që kjo duhet ndryshuar. Pse duhet qeveria ta ndryshoj strategjinë e vet për investime energjetike? Për shkak se ka ndryshu bota. Për shkak se çdo ditë ministri i Financave del e i thotë qytetarëve të Kosovës që ngritja e çmimeve nuk është faj jonë, ngritja e çmimit të derivateve nuk është faj jonë”, ka deklaruar ai.

Ai ka kritikuar qasjen e Qeverisë, duke thënë se, në njërën anë, zyrtarët qeveritarë i cilësojnë rritjet e çmimeve si pasojë të zhvillimeve globale, ndërsa në anën tjetër nuk po përshtatin strategjinë e investimeve energjetike me këto ndryshime.

“Edhe Qeveria e Kosovës, edhe kërkojë prej kryeministrit urgjentisht të nominojë një ekip qeveritare e cila e ndryshon planin strategjik të qeverisë 2022-2031 dhe rrjedhimisht planin për investime energetike, për shkak se ju vetë po thoni që ka ndryshu bota. Ju vetë po thoni çmimet janë problem global”, ka theksuar ai.

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.