Barcelona po përgatitet për një periudhë jashtëzakonisht të ngarkuar të sezonit, pasi skuadra e drejtuar nga Hansi Flick do të duhet të zhvillojë plot nëntë ndeshje brenda vetëm 28-29 ditësh, para festave të fundvitit.
Katalanasit do të përballen me një kalendar të ngjeshur, ku nuk mungojnë as kundërshtarët e nivelit të lartë dhe as sfidat në kompeticionet e ndryshme.
Në stadiumin “Camp Nou”, Barcelona do të presë Villarrealin, Atlético Madridin, Celta Vigon, Manchester Cityn dhe Real Sociedadin.
Ndërkohë, në transfertë, katalanasit do të luajnë ndaj Sabahut, Deportivos dhe Málagës.
Përveç këtyre takimeve, Barcelona do të ketë edhe një ndeshje në kuadër të Kupës së Mbretit (Copa del Rey), e cila është planifikuar të zhvillohet gjatë javës së 14 dhjetorit.
Ky kalendar paraqet një sfidë të madhe për Hansi Flick, i cili do të duhet të menaxhojë me kujdes minutat e futbollistëve, rotacionin dhe gjendjen fizike të skuadrës.
/GazetaBlic Sport/

