KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Teknologji

Universiteti i Ferizajt me dy u.d. të rektorit, “shtyhen” për një karrige (VIDEO)

Universiteti i Ferizajt me dy u.d. të rektorit, “shtyhen” për një karrige (VIDEO)

Pozita e rektorit në Universitetin e Shkencave të Aplikuara në Ferizaj mbeti e zbrazët, por për të u caktuan dy ushtrues detyre.

Njërin e emëroi Ministria e Arsimit, ndërsa tjetrën e zgjodhi Këshilli Drejtues i po këtij universiteti, raporton Klan Kosova.

Fjala është për Fakije Zejnullahun dhe Afrim Lokun, të cilët tash kanë mospajtime se cili prej tyre duhet ta ushtrojë detyrën e rektorit.

Afrim Loku, i caktuar nga Ministria, thotë se është i gatshëm për dialog për zgjidhjen e kësaj çështjeje.

Ndërkohë, Zejnullahu, e caktuar nga Këshilli Drejtues, thotë se qëndrimi i saj në pozitën e ushtrueses së detyrës së rektorit është detyrim ligjor.

Zejnullahut mbështetje i ka dhënë edhe sekretariati i Universitetit, i cili nuk e pranon vendimin e Ministrisë.

Për situatën e krijuar me pozitën e rektorit, nga Ministria e Arsimit i kanë thënë Klanit se kanë vepruar brenda autorizimeve ligjore për të vendosur ligjshmërinë. Sipas Ministrisë, organet e brendshme të Universitetit kanë dështuar vazhdimisht në kryerjen e detyrave të tyre.

Nga ky dikaster thonë se vendimi i Këshillit Drejtues është i kundërligjshëm. Kjo, sipas tyre, është konstatuar nga Komisioni i Ankesave në Ministrinë e Arsimit, pas ankesës së kryesuesit të Këshillit Drejtues.

Krejt hallakama në UShAF nisi pasi Ministria e Arsimit shfuqizoi vendimin e Këshillit Drejtues të këtij universiteti për zgjedhjen e Agron Bajraktarit në pozitën e rektorit.

Ndiqeni kronikën e plotë:

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.