KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Muriqi drejt rikthimit në futbollin spanjoll? Valencia e sheh si profilin ideal për sulmin

Muriqi drejt rikthimit në futbollin spanjoll? Valencia e sheh si profilin ideal për sulmin

Një largim i papritur mund të ndodhë te Fenerbahçe gjatë afatit kalimtar të janarit, ku sulmuesi i Kombëtares së Kosovës, Vedat Muriqi, është shndërruar në objektiv kryesor të Valencias.

Sipas raportimeve të mediave spanjolle, klubi nga La Liga e ka vendosur 32-vjeçarin kosovar në krye të listës së dëshirave për të përforcuar repartin ofensiv dhe për t’i zgjidhur problemet me realizimin e golave shkruan IndeksOnline.

Drejtuesit e Valencias janë të gatshëm të bëjnë përpjekje maksimale për ta siguruar kartonin e Muriqit, sidomos në rast se sulmuesi Umar Sadiq largohet nga skuadra gjatë merkatos së dimrit.

Megjithatë, ky operacion nuk pritet të jetë aspak i lehtë, pasi pengesat lidhen jo vetëm me bisedimet mes dy klubeve, por edhe me gatishmërinë e vetë sulmuesit prizrenas për t’u rikthyer në Spanjë.

Në rast se transferimi i Muriqit nuk realizohet, alternativat e tjera të Valencias për majën e sulmit janë ukrainasi Artem Dovbyk, i cili aktualisht është i huazuar te Bologna, si dhe sulmuesi brazilian i Tottenhamit, Richarlison.

Forma e shkëlqyer e Muriqit këtë sezon te Fenerbahçe ku ka regjistruar 9 gola dhe 2 asistime në 18 ndeshje zyrtare ka tërhequr sërish vëmendjen e klubeve spanjolle, ndërsa tani mbetet të shihet se cili do të jetë reagimi i drejtuesve të gjigantit turk dhe i trajnerit Emre Belözoğlu ndaj këtij interesimi. /IndeksOnline/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.