KORREKT / SOT18 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Ndryshime në ekipin mbrojtës të Kadri Veselit, avokati Russell Hopkins i bashkohet ekipit në Hagë

Ndryshime në ekipin mbrojtës të Kadri Veselit, avokati Russell Hopkins i bashkohet ekipit në Hagë

Avokati Russell Hopkins i është bashkuar ekipit mbrojtës të ish-kryetarit të Kuvendit të Kosovës, Kadri Veseli, në Dhomat e Specializuara të Kosovës në Hagë.

Sipas informacioneve të bëra publike, avokati kryesor i Veselit, Rodney Dixon, e ka njoftuar Gjykatën më 11 nëntor për përfshirjen e Hopkins në ekipin e tij mbrojtës.

Ky zhvillim vjen në kohën kur mbrojtja e Veselit po përgatitet për fazën e ardhshme të procesit gjyqësor, atë të shqyrtimit në Gjykatën e Apelit.

Një muaj pas shpalljes së aktgjykimit të shkallës së parë, në të cilin Veseli u dënua me 18 vjet burgim, nga ekipi i tij mbrojtës u larguan avokatet Annie O’Reilly dhe Kerrie Ann Rowan. Pas këtyre largimeve kanë nisur ndryshimet në përbërjen e ekipit që do ta përfaqësojë atë në procedurat e mëtejshme.

Sipas biografisë së publikuar nga “Temple Garden Chambers”, Russell Hopkins është i specializuar në çështjet gjyqësore që lidhen me korporatat, të drejtat e njeriut, të drejtën ndërkombëtare dhe kontestet për juridiksionin.

Ndryshe, më 16 shtator 2026, Gjykata Speciale në Hagë shpalli aktgjykimin e shkallës së parë, duke dënuar Kadri Veselin me 18 vjet burgim, Hashim Thaçin dhe Jakup Krasniqin me nga 25 vjet, ndërsa Rexhep Selimin me 13 vjet burgim. /Lajmi.net/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.