KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Ekonomi

Bebe Rexha reagon e zhgënjyer pas mos-nominimit në ‘Grammy Awards 2027’: Kënga “New Religion” mbetet e jashtëzakonshme

Bebe Rexha reagon e zhgënjyer pas mos-nominimit në ‘Grammy Awards 2027’: Kënga “New Religion” mbetet e jashtëzakonshme

Këngëtarja shqiptare me famë ndërkombëtare, Bebe Rexha, ka reaguar pas publikimit të nominimeve për edicionin e vitit 2027 të çmimeve prestigjioze “Grammy Awards”, ku emri i saj nuk u përfshi në asnjërën prej kategorive.

Pavarësisht suksesit të albumit të saj “Dirty Blonde”, të publikuar këtë vit, si dhe vëmendjes që mori hiti “New Religion”, në bashkëpunim me grupin Faithless, artistja nuk arriti të sigurojë një nominim.

Pritshmëritë ishin që kënga “New Religion”, e cila përfshin edhe një pjesë të këngës ikonike “Insomnia” të Faithless, të konkurronte në kategorinë “Best Dance Pop Recording” (Incizimi më i mirë Dance Pop). Megjithatë, kënga nuk u përfshi në listën e të nominuarve.

Pas këtij zhvillimi, interpretuesja e hitit “I’m Good (Blue)” ka shprehur zhgënjimin e saj përmes një reagimi në platformën X (ish-Twitter), ku fillimisht publikoi një emoji me kokën e ulur.

Më pas, ajo iu drejtua fansave me një tjetër mesazh, duke i falënderuar për mbështetjen dhe duke theksuar se mungesa e një nominimi nuk ia zbeh vlerën këngës.

“New Religion” mbetet një këngë e mrekullueshme, pavarësisht nëse merr apo jo nominim. Ju dua që kujdeseni kaq shumë”, shkroi Bebe Rexha.

Me këtë mesazh, këngëtarja duket se ka dashur të qetësojë fansat, të cilët kishin shprehur mbështetjen dhe pakënaqësinë e tyre për mungesën e saj në nominimet e këtij viti. /Telegrafi/

– YouTube youtu.be

Hap videon në burimin e saj ↗
Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.