KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Gjermania e mbyll në krye, Gruda shkëlqen me një gol dhe dy asistime – dramë në grup

Gjermania e mbyll në krye, Gruda shkëlqen me një gol dhe dy asistime – dramë në grup

Kombëtarja e Gjermanisë ka përfunduar në vendin e parë në grup, pas fitores bindëse 5-0 ndaj Holandës, në një ndeshje ku shkëlqeu Brajan Gruda, me një gol dhe dy asistime.

Gjermanët e dominuan përballjen dhe kaluan në epërsi në minutën e 41-të, kur Derry Scherhant realizoi pas asistimit të Joshua Kimmich.

Në pjesën e dytë, Florian Wirtz dyfishoi shifrat në minutën e 60-të, ndërsa Nico Schlotterbeck shënoi për 3-0 pesë minuta më vonë, pas asistimit nga goditja e lirë e Grudës.

Ylli i ndeshjes, Brajan Gruda, ishte protagonist edhe në golin e katërt, duke asistuar për Wirtz në minutën e 71-të.

Vetëm gjashtë minuta më vonë, mesfushori ofensiv e vulosi paraqitjen fantastike me golin e pestë të Gjermanisë, pas një topi të kthyer brenda zonës.

Në ndeshjen tjetër të grupit, Greqia mposhti Serbinë me rezultat 1-0. Golin e vetëm të takimit e realizoi Georgios Masouras në minutën e 69-të, pas asistimit të Vangelis Pavlidis.

Kështu, pas përfundimit të ndeshjeve, Gjermania, Holanda dhe Greqia kanë nga 11 pikë, ndërsa Serbia mbetet në kuotën zero. Gjermania e mbyll në krye, ndërsa tri përfaqësueset e tjera përfundojnë me pikë të barabarta. /Telegrafi/

Standings provided by Sofascore


Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.