Në ndeshjen e vlefshme për Ligën e Kombeve, Sllovenia po e konfirmon epërsinë në stadiumin Toše Proeski Arena në Shkup.
Përfaqësuesja e Sllovenisë po avancon me rezultat 2-0 ndaj Maqedonisë së Veriut, në një ndeshje ku mysafirët kanë treguar efikasitet më të madh para portës kundërshtare.
Sllovenia kaloi në epërsi në minutën e 29-të, kur Danijel Sturm realizoi për 0-1, pas asistimit të Žan Vipotnikut.
Pjesa e parë u mbyll me epërsinë minimale të sllovenëve, ndërsa në fillim të pjesës së dytë ata vazhduan të kërkonin golin e dytë.
Në minutën e 66-të, David Zec shënoi për 0-2, duke e thelluar epërsinë e Sllovenisë dhe duke ia vështirësuar edhe më shumë detyrën përfaqësueses së Maqedonisë së Veriut.
Sipas renditjes para kësaj ndeshjeje, Sllovenia kërkon pozitën e dytë në Grupin B1, ndërsa Maqedonia e Veriut synon ta mbyllë kampanjën me rezultat pozitiv. /IndeksOnline/
⚽️ David Zec
🇲🇰 North Macedonia 0-2 Slovenia 🇸🇮
https://t.co/VH7slI68QA
— TalkFoot X | ₮₣✘ (@TalkFootX) November 16, 2026

