KORREKT / SOT17 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Kulture

Dokumentari “Pinocchio’s Harvard” shfaqet premierë në Harvard, regjisori Valmir Tertini nderohet nga Kongresi amerikan

Dokumentari “Pinocchio’s Harvard” shfaqet premierë në Harvard, regjisori Valmir Tertini nderohet nga Kongresi amerikan

Dokumentari “Pinocchio’s Harvard”, me regji të Valmir Tertinit, ka pasur premierën e parë në Shtetet e Bashkuara të Amerikës, në një ngjarje të organizuar të dielën në Boylston Hall, në kompleksin universitar të Harvardit, në Cambridge të Massachusettsit.

Shfaqja e mbajtur më 15 nëntor ka mbledhur figura nga bota e filmit dhe politikës, të ftuar specialë dhe adhurues të kinemasë, ndërsa mbrëmja është prezantuar nga Nicole Lee, prezantuese dhe pjesë e kastit të dokumentarit.

Ky prezantim shënon shfaqjen e parë të filmit në SHBA, pas suksesit të tij në edicionin e 83-të të Festivalit të Filmit në Venecia, ku u shpërblye me çmim në festivalin e zhvilluar në Corte Vittorio Veneto.

Momenti më i veçantë i mbrëmjes ishte vlerësimi që regjisori Valmir Tertini mori nga kongresistja amerikane Ayanna Pressley, përfaqësuese e Distriktit të 7-të të Massachusettsit.

Në emër të saj, Mateo Roll Garza i dorëzoi Tertinit një certifikatë mirënjohjeje (Certificate of Recognition), për kontributin e tij në filmin e pavarur dhe në jetën kulturore të Bostonit.

Në certifikatë vlerësohet gjithashtu angazhimi i regjisorit për ta shfrytëzuar kinemanë si një mjet për shkëmbim kulturor dhe për afrimin e komuniteteve përmes artit filmik.

Ky nderim u prit me duartrokitje të gjata nga të pranishmit në sallën e Boylston Hall.

Dokumentari “Pinocchio’s Harvard” sjell në fokus historinë e Pinocchio’s, një vend me rëndësi në jetën e komunitetit të Harvardit, i cili shërbeu edhe si frymëzim për realizimin e filmit.

Pas përfundimit të projeksionit, të ftuarit patën mundësinë të shijonin pica nga vetë Pinocchio’s, duke e përmbyllur mbrëmjen në frymën e historisë që dokumentari synon të rrëfejë.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.