KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kosova U21 pëson humbje nga Luksemburgu në miqësoren në Prishtinë

Kosova U21 pëson humbje nga Luksemburgu në miqësoren në Prishtinë

Kombëtarja e Kosovës U21 e drejtuar nga Hekuran Kryeziu ka pësuar humbje në miqësoren ndaj Luksemburgut, e zhvilluar të hënën në stadiumin “Fadil Vokrri” në Prishtinë. Ndeshja përfundoi me rezultat 2-0 në të mirë të mysafirëve.

Luksemburgu kaloi në epërsi që në minutën e gjashtë, kur Mick Kirsch shënoi për 1-0.

Golin e dytë për mysafirët e realizoi sulmuesi shqiptar Flavjo Hoxha, i cili aktivizohet për grupmoshat e reja të Luksemburgut. Ai shënoi në minutën e 65-të, duke vulosur rezultatin përfundimtar të takimit.

Kosova pati një rast për të barazuar në pjesën e parë, por goli i Eliot Bujupit në minutën e 25-të u anulua për shkak të pozitës jashtë loje.

Kjo ndeshje vjen pasi Kosova U21 e kishte përfunduar në tetor ciklin kualifikues për Kampionatin Evropian të vitit të ardhshëm, që do të organizohet në Shqipëri dhe Serbi, pa arritur të sigurojë kualifikimin.

“Dardanët” e rinj e mbyllën Grupin A në vendin e katërt me 15 pikë, pas katër fitoreve, tri barazimeve dhe tri humbjeve. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.