KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Kurti për dekretimin e Ligjit për Byronë: Kapitull i ri për drejtësi dhe barazi

Kurti për dekretimin e Ligjit për Byronë: Kapitull i ri për drejtësi dhe barazi

Kryeministri i Kosovës, Albin Kurti, në mbledhjen e sotme të Qeverisë ka folur edhe për dekretimin e Ligjit për Byronë Shtetërore për Verifikimin dhe Konfiskimin e Pasurisë së Pajustifikueshme nga presidentja Justina Shiroka-Pula, duke e cilësuar këtë si një hap të rëndësishëm drejt drejtësisë dhe barazisë.

Kurti tha se ky dekretim vjen pas shumë përpjekjeve dhe pengesave që, sipas tij, janë vendosur në rrugën e miratimit të këtij ligji.

“Pas shumë përpjekjeve tona përballë një serie kundërshtimesh e pengesash që na u vunë në rrugë, madje në mënyrë të përsëritur javën që shkoi, Justina dekretoi Ligjin për Byronë Shtetërore për Verifikimin dhe Konfiskimin e Pasurisë së Pajustifikueshme”, tha Kurti.

Ai e ka përshëndetur dekretimin e ligjit, duke uruar që ai të shënojë fillimin e një kapitulli të ri për drejtësinë dhe barazinë.

“Urime të gjithëve. Le të jetë fillimi i një kapitulli të ri, të mirë e të mbarë për drejtësi e barazi”, tha Kurti./Indeksonline/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.