KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Lajme

Tragjedi në Tajlandë, 11 të vdekur dhe 17 të plagosur nga zjarri në Phuket

Tragjedi në Tajlandë, 11 të vdekur dhe 17 të plagosur nga zjarri në Phuket

Një zjarr vdekjeprurës në ishullin Phuket të Tajlandës ka shkaktuar 11 viktima dhe 17 të plagosur, pasi flakët përfshinë një ndërtesë banimi dhe tregtare në orët e para të mëngjesit.

Një tragjedi e rëndë ka tronditur ishullin Phuket, në jug të Tajlandës, ku një zjarr masiv në një ndërtesë banimi dhe tregtare u ka marrë jetën 11 personave, ndërsa 17 të tjerë kanë mbetur të plagosur.

Flakët shpërthyen rreth orës 02:00 të mëngjesit të së hënës, në një ndërtesë ku në katin përdhes funksiononte një dyqan për dhënien me qira të motoçikletave, ndërsa katet e sipërme shërbenin për banim.

Sipas autoriteteve lokale, zjarrfikësve iu desh rreth një orë për të vënë zjarrin nën kontroll.

“Shkaku i zjarrit është ende nën hetim”, deklaroi komandanti i policisë së Phuket, Surachai Sooksai.

Hetimet paraprake hedhin dyshime mbi shpërthimin e një transformatori elektrik pranë ndërtesës, pak para shpërthimit të flakëve.

Guvernatori i Phuket, Chodnarin Koedsom, bëri të ditur se në ambientet e dyqanit ndodheshin rreth 100 motoçikleta, si dhe benzinë, vaj motori, goma dhe materiale plastike, të cilat mund të kenë përshpejtuar përhapjen e zjarrit dhe të tymit toksik.

“Viktimat duket se janë përpjekur t’i shpëtojnë flakëve duke u ngjitur drejt kateve më të larta të ndërtesës”, bëri të ditur guvernatori.

Sipas të dhënave paraprake, njëri prej trupave u gjet në katin e tretë, ndërsa dhjetë të tjerët në katin e pestë.

Ngjarja ka shkaktuar tronditje të madhe, ndërsa autoritetet tajlandeze vijojnë hetimet për të zbardhur rrethanat dhe shkakun e saktë të kësaj tragjedie.

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.