KORREKT / SOT16 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Kulture

Nicolas Cage kujtoi kur librat komikë iu vodhën nga shtëpia: Më vonë ato vlenin rreth një milion dollarë

Nicolas Cage kujtoi kur librat komikë iu vodhën nga shtëpia: Më vonë ato vlenin rreth një milion dollarë

Aktori amerikan Nicolas Cage kujtoi se si 26 vjet më parë, gjatë një feste Krishtlindjesh, koleksioni i tij i librave komikë iu vodh nga shtëpia e tij në Kaliforni.

Koleksioni përfshinte edhe numrin e parë të Action Comics në të cilin Supermeni u shfaq në vitin 1938.

“Ishte zemërthyese. Bëra një festë Krishtlindjesh dhe, si budallallëk, i mbajta të gjitha në vitrina. U zgjova, zbrita poshtë dhe gjithçka ishte zhdukur”, tha Cage, 62 vjeç, për People në premierën e “Madden” më 4 nëntor.

Ai e bleu komikun në vitin 1996 për 150,000 dollarë (136,000 euro), dhe në kohën e vjedhjes vlera e tij ishte rreth 1 milion dollarë (906,000 euro). Ai e raportoi vjedhjen në policinë e Los Angeles në janar të vitit 2000, por autori i krimit nuk u identifikua kurrë. Sipas ABC News, Cage mori para nga sigurimi, por shuma nuk u zbulua.

Nicolas Cage (Foto: Getty Images)

Komiku u shfaq në vitin 2011, kur një burrë që bleu përmbajtjen e një depoje në Kalifornian Jugore ia ofroi atë një tregtari koleksionesh. Policia përcaktoi se ishte kopja e Cage dhe aktori e shiti atë në ankand për 2.2 milionë dollarë (1.99 milionë euro).

“Nuk doja ta shisja, por ndalova së mbledhuri gjëra të tilla”, tha ai.

I njëjti numër i komikut u shit privatisht në janar të këtij viti për 15 milionë dollarë (13.6 milionë euro), duke thyer rekordin për librin komik më të shtrenjtë në histori. Rekordi i mëparshëm ishte 9.12 milionë dollarë (8.2 milionë euro) dhe besohet se ekzistojnë rreth njëqind kopje.

Pjesa tjetër e koleksionit të Cage nuk është gjetur kurrë.

“Të gjithë janë diku atje jashtë. Detective Comics #27 është atje jashtë”, tha aktori, duke shtuar se e ka zëvendësuar koleksionimin e librave komikë me ushqimin: “Më pëlqen të ha. Më pëlqen të gatuaj”. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.