FC Prishtina ka njoftuar se ka ndërprerë bashkëpunimin me sulmuesin Alban Shillova.
“Bardhëkaltërit” po vazhdojnë të largojnë lojtarë që nuk janë në planet e trajnerit Afrim Tovërlani.
Përmes një komunikate zyrtare, Prishtina falënderoi Shillovën për kontributin e dhënë që një vit.
“FC Prishtina dhe sulmuesi Alban Shillova kanë përmbyllur bashkëpunimin e tyre.
Shillova iu bashkua klubit në janar të vitit 2025 dhe gjatë kësaj periudhe njëvjeçare regjistroi 26 paraqitje në të gjitha garat, duke qenë gjithashtu pjesë e ekipit që triumfoi në Kupën e Kosovës në sezonin e kaluar.
Kjo ishte hera e dytë që ai ishte pjesë e FC Prishtinës, pas angazhimit të tij të parë në periudhën 2019–2021, ku kishte zhvilluar 23 ndeshje, kishte shënuar gjashtë gola dhe kishte kontribuar me katër asistime.
FC Prishtina e falënderon Alban Shillovën për kontributin e dhënë dhe i uron suksese në vazhdim të karrierës së tij”, thuhet ndër të tjera në komunikatë.
Përndryshe, Prishtina aktualisht është e dyta në tabelë me 30 pikë, tre më pak se lideri Ballkani./Telegrafi/