Talenti 20-vjeçar me origjinë nga Presheva, Lutfi Dalipi, ka mbërritur sonte në Kosovë, pasi vendosi që në të ardhmen ta përfaqësojë fanellën e Dardanëve.
Lajmin e ka bërë të ditur Federata e Futbollit të Kosovës, e cila e ka mirëpritur futbollistin në aeroportin ndërkombëtar “Adem Jashari”.
Dalipi nuk i ka fshehur emocionet për vendimin e tij, duke zbuluar edhe një premtim që ia kishte bërë babait.
“Me zemër e kam pranuar Kosovën, sepse i kam thënë babushit se një ditë kam me luajtur ose për Kosovën, ose për Shqipërinë”, ishin fjalët e para të talentit nga Presheva.
Dalipi pritet t’i bashkohet Dardanëve në grumbullimin e muajit mars, duke përfaqësuar një tjetër talent që zgjedh Kosovën në arenën ndërkombëtare. /IndeksOnline/
Burimi: indeksonline.net ↗