Qindra persona dolën të mërkurën në rrugët e kryeqytetit grek, Athinë, për të protestuar kundër rritjes së qirave dhe thellimit të krizës së strehimit.
Protestuesit u mblodhën në sheshin Klafthmonos, në qendër të qytetit, duke kërkuar banesa më të përballueshme dhe mbrojtje më të mirë për qiramarrësit.
Sindikata, grupe studentore dhe organizata të shoqërisë civile iu bashkuan protestës në kryeqytetin grek, duke i bërë thirrje qeverisë të ndërmarrë masa efektive për të përballuar rritjen e vrullshme të kostove të banimit.
Më vonë, protestuesit marshuan drejt parlamentit, duke kërkuar qasje në banesa me çmime të përballueshme për të gjithë.
Demonstrata, e organizuar nga nisma “Strehim për të gjithë”, përfundoi në mënyrë paqësore, pa raportime për incidente, transmeton Anadolu.