Një incident fizik ka tronditur botën e UFC-së, pasi Merab Dvalishvili dhe Usman Nurmagomedov janë përfshirë në një përleshje në Abu Dhabi.
Sipas pamjeve të publikuara në rrjetet sociale, Nurmagomedov iu afrua nga pas luftëtarit gjeorgjian dhe e goditi në fytyrë. Dvalishvili reagoi menjëherë, ndërsa situata u përshkallëzua me përfshirjen e pjesëtarëve të dy kampeve, transmeton GazetaBlic Sport.
Pas incidentit, Dvalishvili publikoi një video ku shihej me fytyrën e gjakosur, duke reaguar ashpër ndaj kundërshtarëve dhe duke i akuzuar për sjellje tinëzare.
Përplasja vjen pas tensioneve të vazhdueshme mes dy kampeve, të cilat janë rritur që nga dueli i janarit 2025, kur Dvalishvili mposhti Umar Nurmagomedovin në UFC.
Të dy luftëtarët pritet të marrin pjesë në eventin e së shtunës të organizatës RAF. Dvalishvili do të përballet me Marlon Moraes, ndërsa Usman Nurmagomedov me Urijah Faber.
🚨 Full footage of the scuffle between Usman Nurmagomedov and Merab Dvalishvili https://t.co/SGJzkQdFif
— Red Corner MMA (@RedCorner_MMA) November 11, 2026
/GazetaBlic Sport/