Milani pritet të jetë një nga protagonistët kryesorë të merkatos së janarit, pas rreth 150 milionë eurove të shpenzuara gjatë afatit kalimtar të verës.
Pronari i klubit, Gerry Cardinale, ka paralajmëruar se kuqezinjtë do të vazhdojnë të jenë aktivë në tregun e transferimeve, shkruan Indeksonline.
“Në merkato do të vazhdojmë të jemi agresivë, oportunistë dhe do ta përforcojmë skuadrën me lojtarë të denjë për Milanin”, deklaroi Cardinale.
Prioriteti kryesor është përforcimi i mbrojtjes. Fikayo Tomori dhe Terracciano mund të largohen, ndërsa objektivi kryesor është Gonçalo Inácio i Sporting Lisbonës. Mbrojtësi portugez ka një klauzolë lirimi prej 60 milionë eurosh, por klubi portugez mund të pranojë oferta rreth 40 milionë euro.
Ndërkohë, dëmtimet e Saelemaekers dhe Chukwueze kanë shtyrë Milanin të mendojë edhe për repartin ofensiv.
Një nga emrat më të pëlqyer është Endrick i Real Madridit, i cili konsiderohet një objektiv i preferuar i Cardinale. Vetë braziliani, i pyetur për të ardhmen, u shpreh se ende nuk e di se çfarë do të ndodhë në janar.
“Nuk e di çfarë do të ndodhë në janar, gjithçka është në duart e Zotit. Kërkoj vetëm atë që është më e mira për karrierën time”, deklaroi Endrick.
Një tjetër objektiv është sulmuesi i Club Brugge, Tresoldi, vlera e të cilit vlerësohet të jetë së paku 35 milionë euro. Një detaj interesant është se futbollisti është tifoz i Milanit.
Kështu, kuqezinjtë po përgatisin një tjetër merkato ambicioze, me synimin për ta bërë skuadrën edhe më konkurruese në pjesën e dytë të sezonit. /IndeksOnline/