Aktorja britanike, Kaya Scodelario, tërhoqi vëmendjen me paraqitjen e saj elegante, teksa iu bashkua aktorit Theo James në një aktivitet promovues për serialin e tyre “The Gentlemen”, në Los Angeles.
Kasti i serialit të suksesshëm të Netflix, me regji të Guy Ritchie, tashmë ka nisur xhirimet për sezonin e tretë, pasi produksioni u konfirmua në muajin gusht.
Të shtunën, Kaya u shfaq në këtë aktivitet me një fustan të bardhë elegant, pa rripa dhe me detaje të varura në pjesën e poshtme, nga stilistja Stella Hanan, shkruan Daily Mail, transmeton “Bota sot”.
Ajo e kishte kompletuar dukjen me këpucë me taka të arta, ndërsa aksesorët me shkëlqim i dhanë edhe më shumë elegancë paraqitjes së saj.
Ndërkohë, Theo James zgjodhi një kostum të zi me këmishë dhe kravatë bardhezi, duke u shfaqur mjaft elegant.
Në këtë aktivitet, dy aktorëve iu bashkuan edhe LouLou Bontemps, Jenelle Riley dhe Matthew Read.