Portieri i FC Andorrës, Jesús Owono, po kalon një periudhë jashtëzakonisht të rëndë pas aksidentit në fushë që i mori jetën sulmuesit të Tenerifes, Jesús de Miguel.
Ngjarja ndodhi në minutat shtesë të ndeshjes mes Tenerifes dhe Andorrës, kur Owono doli nga porta për të larguar topin dhe u përplas me sulmuesin kundërshtar.
De Miguel pësoi arrest kardiak dhe, pavarësisht trajtimit mjekësor dhe dërgimit në spital, ndërroi jetë në moshën 30-vjeçare.
“Po kaloj ditët më të vështira të jetës sime. E kam të vështirë të gjej fjalët dhe ta përballoj atë që ka ndodhur. Ndjej një dhimbje të madhe për humbjen e Jesúsit”, deklaroi portieri.
Sipas raportimeve, Owono është izoluar pas tragjedisë dhe ka çaktivizuar edhe llogarinë e tij në Instagram, pasi ishte përballur me komente fyese.
Federata e Futbollit të Guinesë Ekuatoriale e ka lënë jashtë listës për ndeshjet e nëntorit, ndërsa po i ofrohet mbështetje psikologjike.
Ndërkohë, autoritetet spanjolle kanë nisur hetimet për rrethanat e vdekjes, siç parashihet në raste të tilla. /Zëri