Kombëtarja e Kosovës në futsall është mposhtur me rezultat 4-3 nga Italia në një ndeshje dramatike të zhvilluar në Pallatin e Rinisë dhe Sportit në Prishtinë.
“Dardanët” zhvilluan një përballje të fortë, por nuk arritën të shmangin humbjen në ndeshjen e dytë të Grupit 10 të raundit kryesor kualifikues për Kupën e Botës 2028.
Ramadan Alaj ishte më efikasi për Kosovën me dy gola, ndërsa një tjetër realizim e shënoi Fitim Krasniqi.
Për italianët shënuan Michele Podda, Giovanni Pulvirenti, Carmelo Musumeci dhe Giuliano Fortini.
Pas fitores ndaj Gjeorgjisë në ndeshjen e parë, Kosova mbetet me tri pikë në vendin e dytë, ndërsa Italia kryeson grupin me gjashtë.
Ndeshjen e radhës ndaj Italisë, Kosova do ta zhvillojë më 10 nëntor, kurse më 24 shkurt do të përballet me Gjeorgjinë./Telegrafi/