Lëndimi i Rodrit e detyron Barcelonën të ndryshojë planet për sfidën e së dielës ndaj Atletico Madridit.
Mesfushori spanjoll do të mungojë në një ndeshje shumë të rëndësishme, ku skuadra e Hansi Flickut synon të marrë një rezultat pozitiv në “Metropolitano”.
Frenkie de Jong shihet si zgjidhja më e mundshme për ta mbuluar mungesën e tij.
Holandezi mund t’i japë Barcelonës kontroll më të madh të topit dhe të krijojë lidhjen me Pedrin, duke ndihmuar skuadrën të shmangë humbjet e panevojshme të posedimit.
Megjithatë, De Jong nuk ofron të njëjtën siguri si Rodri në aspektin e mbulimit defensiv dhe në ndërprerjen e kundërsulmeve.
Kjo mund të jetë veçanërisht e rëndësishme ndaj Atletico Madridit, që ka lojtarë të rrezikshëm në hapësira dhe në tranzicion.
Marc Bernal është një tjetër kandidat për këtë pozitë, pasi profili i tij i ngjan më shumë Rodrit. Por, përvoja dhe autoriteti i nevojshëm në mesfushë ende nuk janë në nivelin e kërkuar. Për këtë arsye, De Jong pritet të jetë zgjedhja e parë e Flickut. /Zëri