“Terapia moderne moduluese “Trikafta” u ofrohet të gjithë pacientëve me fibrozë cistike në Maqedoni për të cilët ekziston një indikacion i përshtatshëm mjekësor”, njoftoi Klinika për Sëmundjet e Fëmijëve në Shkup.
Duke filluar nga ky vit, gjithsej 126 pacientë me fibrozë cistike, mbi moshën dy vjeç, të cilët plotësojnë kriteret mjekësore, do të kenë qasje në terapinë moderne të synuar.
“Ky është një hap i rëndësishëm përpara në trajtimin e fibrozës cistike në vendin tonë”, thonë nga Klinika për Sëmundjet e Fëmijëve.
“Trikafta” është një terapi moderne moduluese që përmirëson funksionimin e proteinës CFTR, funksioni i dëmtuar i së cilës është shkaku i fibrozës cistike.
Testet klinike kanë treguar se terapia mund të përmirësojë ndjeshëm funksionin e mushkërive dhe cilësinë e jetës tek pacientët me karakteristika të përshtatshme gjenetike.