KORREKT / SOT21 nëntor 2026
Botimi digjital / Kontakt
KORREKT PRESS

QARTË. ÇDO DITË.Lajmet që kanë rëndësi.

KORREKT PRESS / KËRKIM

Gjej lajmin që të intereson.

Shkruaj të paktën 2 shkronja për të kërkuar në titujt e lajmeve.

Rezultate gjatë shkrimit
Sport

Carragher bën një deklaratë të guximshme për Arsenalin pas fitores ndaj Liverpoolit

Carragher bën një deklaratë të guximshme për Arsenalin pas fitores ndaj Liverpoolit

Jamie Carragher ka vlerësuar lart paraqitjet e Arsenalit, duke e cilësuar skuadrën e Mikel Artetës si ekipin më të mirë në botë në aspektin defensiv, pas fitores ndaj Liverpoolit në “Anfield”.

Ish-mbrojtësi i Liverpoolit, gjatë emisionit Monday Night Football në Sky Sports, deklaroi se Arsenali tashmë nuk është vetëm skuadra më e mirë në mbrojtje në Ligën Premier, por edhe në nivel botëror.

“Ky ekip i Arsenalit nuk është vetëm skuadra më e mirë në aspektin defensiv në Ligën Premier. Mendoj se tani është ekipi më i mirë në botë në këtë aspekt”, deklaroi Carragher.

Ai veçoi gjithashtu kontributin e Martin Odegaardit në aksionin që solli golin e fitores.

Ndonëse Declan Rice mori meritat për pasimin e shkëlqyer drejt Kai Havertz, Carragher theksoi se presioni agresiv i kapitenit norvegjez ishte po aq vendimtar.

Sipas tij, Odegaard ndihmoi në rikuperimin e topit në gjysmëfushën e Liverpoolit, duke e detyruar skuadrën vendase të gabonte në posedim dhe duke krijuar kushtet për aksionin vendimtar.

Carragher vuri në dukje edhe ngjashmëritë e kësaj mënyre të presingut me atë që aplikojnë Fulhami dhe Brightoni, por në këtë rast, qasja e Arsenalit rezultoi vendimtare për marrjen e tri pikëve në “Anfield”. /Telegrafi/

Lista jote

Lexo më vonë.

Artikujt e ruajtur në këtë pajisje.

Ende nuk ke ruajtur artikuj. Hap një lajm dhe shtyp “Ruaj”, për ta lexuar më vonë.